Maulana Wahiduddin Khan I Daily Inquilab Urdu Delhi I 25 June 2014
ديني مدارس كي اهم ترين امتيازي صفت يه هے كه ان كي بنيادعلم حقيقي پر قائم هے، يعني دين اسلام پر جو كه مذهب كا واحد محفوظ ايڈيشن هے- يه ايك بے حد اهم بات هے كيوں كه دوسرے جتنے بھي تعليمي نظام هيں، ان سب كي بنيادعلم ظني پر قائم هے نه كه علم حقيقي پر-
اس كا نتيجه يه هے كه ديني مدارس ميں جو لوگ تعليم وتربيت حاصل كرتے هيں وه اس حيثيت ميں هوتے هيں كه وه اپنے عقيده وعمل كو اعتماد كي بنياد پر قائم كرسكيں، وه اس يقين كے ساتھ جئيں كه انھوں نے جو كچھ پايا هے وه عين سچائي هے، اس ميں جھوٹ كي كوئي آميزش نهيں-
اكثر ديني مدارس ميں قرآن كو تقريباً مكمل طور پر بطور نصاب پڑھايا جاتا هے- اس كےعلاوه تمام مدارس ميں قرآن كو سب سے زياده بلند مقام حاصل رهتا هے- طلبه اور اساتذه دونوں روزانه اس كي تلاوت كرتے هيں- گفتگو اور تقريروں ميں بار بار قرآني آيتوں كے حوالے دئے جاتے هيں- طلبه نصاب سے باهر جو كتابيںاور جرائد پڑھتے هيں ان ميں عام طورپر بحث كا مركزي نكته قرآن هي هوتاهے- اس طرح عملي طورپر تمام طلبه هر روز براهِ راست يا بالواسطه انداز ميں قرآن كا درس ليتے رهتے هيں-
يهي معامله حديث كا هے- وه مدارس كے نصاب ميں لازمي مضمون كي حيثيت سے شامل رهتي هے- اكثر بڑے مدارس ميں صحاح سته مكمل يا منتخب انداز ميں پڑھائي جاتي هے- اس كے علاوه مدرسه كے ماحول ميں طالب علم هر روز حديث كے حوالے يا اس كے تذكرے سنتا هے- اس طرح عملي طورپر هر طالب علم كو مدرسه كي پوري زندگي ميں مسلسل طورپر حديث رسول كي فكري خوراك ملتي رهتي هے-
يه كوئي ساده بات نهيں- اس كا مطلب يه هے كه مدارس اپنے طلبه كو ذهني اور روحاني حيثيت سے ايك ايسي تربيت ديتے هيں جو كسي اور نظام تعليم ميں سرے سے ممكن هي نهيں- دوسرے اداروں ميں اگر تعليم كي بنياد انساني علم پر هے تو ديني اداروں ميں تعليم كي بنياد خدائي علم پر
يهاں ميں چند تقابلي مثاليں دوں گا جن سے اندازه هوگا كه ديني مدرسه اور غير ديني مدرسه ميں كيا فرق هے- وه كون سے امتيازي اوصاف هيں جو غير ديني تعليم گاهوں كے مقابله ميں ديني تعليم گاهوں كو حاصل هيں-
1- غير ديني درس گاهيں خواه وه ملك كے اندر هوں يا ملك كے باهر، سب كي سب عملاً ايك هي مقصد كے تحت قائم هيں، اور وه يه هے كه طالب علم كو اس قابل بنايا جائے كه وه دنيا ميں اچھا جاب حاصل كرسكے- هر جگه جاب رخي تعليم (job-oriented education) كا رواج هے- گويا كه يه تعليم گاهيں انسان كو حيوانِ كاسب (earning animal) بنانے كے كارخانے هيں-
ديني مدارس كا معامله اس كے برعكس هے- ايك لفظ ميں كهاجاسكتا هے كه ديني مدارس خدا رخي تعليم (God-oriented education) كے ادارے هيں- وه انسان كے اندر اعلي مقصديت كا شعور جگاتے هيں- وه انسان كو مادي سطح سے اٹھاكر روحاني يا رباني سطح پر جينا سكھاتے هيں-
2- غير ديني مدارس عملي طور پر يه سبق ديتے هيں كه دنيا كي مادي چيزوں كا حصول هي هماري زندگي كي آخري منزل هے- جب كه ديني مدارس هر طالب علم كے اندر يه ذهن بناتے هيں كه دنيا كي مادي چيزيں تمھاري ضرورت هيں نه كه تمھارا مقصد- غيرديني مدارس كا جو فلسفه هے اس ميں انسان كے لئے آزادي كا پيغام تو موجود هے مگر آزادي كي حدود(limitations)كاكوئي تعين نهيں- اس كا ايك نتيجه وه هے جو جديد ترقي يافته ملكوں ميں بے قيد جنسي تعلقات اوربے قيد لذت پسندي كي صورت ميں پايا جاتا هے- غير ديني درسگاهوں ميں اس بے قيدي پر روك لگانے كا كوئي قانون نظري طورپر موجود نهيں- يهي وجه هے كه ان سماجوں ميں ظاهري ترقيوں كے باوجود حقيقي انسانيت كا ارتقا ممكن نه هوسكا-
اس كے برعكس ديني درسگاهوں كا معامله يه هے كه ان كي بنياد خدائي شريعت كے اصول پر قائم هے-چنانچه ديني درسگاهوں كے فلسفهٔ تعليم ميں انسان كے لئے جس طرح آزادي ايك معلوم اصول كي حيثيت ركھتي هے اسي طرح يهاں يه بھي پوري طرح معلوم هے كه آزادي كے حدود كيا هيں- كب تك آزادي ايك رحمت هے اور وه كون سي حد هے جس سے تجاوز كرنے كے بعد آزادي اس كے لئے برعكس طورپر عذاب بن جائے گي-
3- غير ديني تعليم گاهوں ميں عام طورپر جو اصولِ حيات پايا جاتا هے وه اضافيت (relativity) كا اصول هے- يعني اس دنيا ميں همارا علم اور همارا هر نظريه اضافي حيثيت ركھتا هے نه كه حقيقي- اس فلسفه كا نتيجه يه هے كه جديد تعليم گاهوں ميں اخلاق بھي ايك اضافي چيز بن كرره گيا هے- يهاں هر اصول صرف اضافي قدر ركھتا هے- يه نظريه اپني آخري حد پر پهنچ كر اس فلسفه كي شكل اختيار كرليتا هے جس كو افاديت (utilitarianism) كهاجاتا هے- اس كے مطابق، صرف وهي چيز قابل قدر هے جو اپنے اندر معلوم مادي افاديت ركھتي هو، جو چيز اس صفت سے خالي هو وه قابل لحاظ هي نهيں- اس نظريه كے تحت تعليم پائے هوئے لوگ صرف يه كرسكتے هيں كه وه انساني سماج كو ايك قسم كا حيواني جنگل بناديں- اور اس تعليمي نظام نے عملاً يهي كارنامه انجام ديا هے-
ديني مدارس كا فلسفه اس كے برعكس ابدي حقيقت كے اصول پر قائم هے- ديني مدارس كے پاس هر معامله ميں الله كا ايك معلوم حكم موجود هوتا هے- انھيں يه يقين هوتا هے كه يه حكم سراسر برحق هے اور اس بنا پر وه ناقابلِ تغير هے- وه ابدي طورپر قابل اتباع هے- يه فلسفه فطري طورپر ابدي اخلاقيات (enternal ethics) كا تصور پيدا كرتا هے- اس كے تحت وه مستحكم اخلاقي نظام بنتا هے جس ميں كسي بھي حال ميں تبديلي كا كوئي سوال نهيں-
4- غير ديني تعليمي نظام ميں ايك بڑا خلا يه هے كه اس كے اندر كسي بھي معامله ميں نقطهٔ آغاز (starting point) كا علم نهيں- اس كا سارا انحصار ذاتي تجربات اور مشاهدات پر هوتا هے- انسان اپني لازمي محدوديت (limitation) كي بنا پر كبھي يه جان نهيں پاتا كه كسي معامله كا حقيقي نقطهٔ آغاز كيا هے- اس لئے ايسي درسگاهوں ميں تربيت پائے هوئے ذهن ابدي طورپر فكري ٹھوكريں كھاتے رهتے هيں، وه كبھي علم حقيقي كے درجه تك نهيں پهنچتے- اس كے برعكس ديني درسگاه اپنے الهي علم (divine knowledge) كي بنا پر اس حيثيت ميں هوتي هے كه وه هر معامله ميں پهلے هي قدم پر صحيح نقطهٔ آغاز كو پالے اور نتيجةً فكري ٹھوكركھانے سے بچ جائے-
اس كي ايك مثال ارتقاءِ حيات كا فلسفه هے- اس معاملے ميں غير ديني درسگاهوں ميں تعليم پائے هوئے افراد كے پاس نقطه آغاز كے لئے كوئي معلوم اصول موجود نه تھا، انھوں نے اٹكل سے حياتياتي ارتقا كا مفروضه (hypothesis) قائم كيا- سو سال سے بھي زياده مدت تك اس مفروضه كو واقعه ثابت كرنے كے لئے بے شمار اعلي دماغوں نے اس پر اپني عمريں صرف كرديں- اس پر هزاروں بلين ڈالر خرچ كئے گئے- مگر ان كا مفروضه آج بھي صرف مفروضه هے، بلند بانگ دعووں كے باوجود كسي بھي درجه ميں وه اس سے آگے نه بڑھ سكا- چنانچه نظريهٔ ارتقا كے محقق علما خود يه اعتراف كرتے هيں كه يه نظريه اب بھي صرف ايك كام چلاؤ نظريه (workable theory) هے نه كه كوئي ثابت شده علمي حقيقت-
اس كے برعكس ديني درسگاه ميں تربيت پائے هوئے انسان كا ذهن اول دن سے بالكل صاف هوتا هے- قرآن كي بنياد پر، وه اول دن سے اس يقين كا حامل هوتا هے كه انساني زندگي كا آغاز خدائي تخليق كے ذريعه هوا نه كه محض بے شعور مادي عوامل كے ارتقا سے- اس طرح ديني درسگاه كا ايك انسان حياتيات كے معامله ميں اس نقطهٔ آغاز كو پهلے هي دن پاليتا هے جس كو غير ديني درس گاه ميں تربيت پائے هوئے لوگ سو سال سے زياده مدت تك مهنگي قسم كي علمي سرگرميوں كے باوجود پانے ميں ناكام رهے-
5- غير ديني درس گاه ميں تعليم پايا هوا انسان جس فلسفهٔ حيات كو لے كر وهاں سے نكلتاهے اس كے عين فطري نتيجه كے مطابق اس كا تصور حيات بالكل ادھورا هوتا هے- وه آغاز حيات كو جانتا هے مگر وه انجامِ حيات كو نهيں جانتا- اس كو يه تو معلوم هوتا هے كه وه دنيا ميں اپني زندگي كي سرگرميوں كو كهاں سے شروع كرے مگر اس كو يه علم نهيں هوتا كه اس كي آخري منزل كيا هے اور زندگي كے انجام كے اعتبار سے اس كو كس قسم كي تياري كرنا چاهئے- وه بظاهر اپني زندگي كا آغاز اجالے ميں كرتا هے، صرف اس لئے كه آخري عمر كو پهنچ كر اس كي زندگي نامعلوم اندھيروں ميں بھٹك كر ره جائے-
ديني مدرسه ميں تعليم وتربيت پائے هوئے انسان كا معامله اس سے مكمل طورپر مختلف هوتا هے- يهاں كا تعليم يافته انسان اپنے قرآني پس منظر كي بنياد پر پورے شعور كے ساتھ يه جانتا هے كه اس كو اپني زندگي كا سفر كها ں سے شروع كرنا هے اور اس كي آخري منزل كيا هے- ايسا انسان اس واضح يقين پر كھڑا هوتا هے كه موجوده دنيا كي حيثيت راسته كي هے، اور اس كے بعد آنے والي آخرت كي دنيا كي حيثيت منزل كي-
6- غير ديني درس گاهوں ميں جو فلسفهٔ حيات رائج هے، اس كے مطابق، انسان ايك متلاشئ مسرت حيوان (pleasure-seeking animal) هے- اس فلسفه كا فطري نتيجه يه هے كه انسان لذت اور مسرت كے حصول كو اپني زندگي كا واحد مقصد بنالے- چناں چه آج غير ديني درس گاهوں كے تعليم پائے هوئے تمام لوگ اسي واحد مقصد كے تحت زندگي گزار رهے هيں- غير ديني درسگاهوں ميں تعليم پائے هوئے لوگوں كا حال هرجگه يهي هے، خواه وه هندستان كے لوگ هوں يا بيرونِ هندستان كے لوگ-
اس نظريه كا عملي تجربه بتاتا هے كه وه هلاكت خيز حد تك غلط هے- اس ذهن كے لوگ اپني ساري عمر ان چيزوں كے حصول ميں لگاديتے هيں جن كو وه بظاهر خوشي ولذت كا ذريعه سمجھتے هيںمگر جب هزار كوشش كے بعد وه ان مطلوبه چيزوں كا ڈھير اكٹھا كرليتے هيں تو اچانك ان كو معلوم هوتا هے كه يه چيزيں خواه كتني هي زياده هوں، وه انھيں لذت ومسرت دينے والي نهيں- اس كي ساده سي وجه يه هے كه انسان اپني فطري صلاحيت كے اعتبار سے لامحدود استعداد(unlimited capacity) كا مالك هے- جب كه دنيا كي هر چيز صرف محدود خوشي اور محدود لذت هي دے سكتي هے- گويا انسان اپني طلب كے اعتبار سے كامل تسكين چاهتا هے جب كه مادي چيزيں اپني محدوديت كي بنا پر اس كو جزئي تسكين هي دے سكتي هيں- اسي فرق كا نتيجه وه چيز هے جس كو اكتاهٹ (boredom) كهاجاتا هے- طالب اور مطلوب كے درميان يه فرق اتنا زياده حتمي هےكه كسي بادشاه كے لئے بھي اس كو ختم كرنا ممكن نهيں- يهي وجه هے كه آج هم يه ديكھتے هيں كه دنيا ميں مادي سازوسامان كي بے پناه كثرت هے مگر ان سامانوں نے انسان كو جو چيز دي هے وه صرف مايوسي (frustration)هے نه كه تسكين، جس كو حاصل كرنے كے لئے يه مادي سازوسامان فراهم كيا گيا تھا-
ديني مدارس ميں تعليم وتربيت پائے هوئے انسان كا معامله اس سے بالكل مختلف هے- ايسے لوگ جس فلسفهٔ حيات كا سبق لے كر اپنے مادر علمي سے نكلتے هيں وه يه هے كه موجوده دنيا امتحان كے لئے هے نه كه حصول مسرت كے لئے- يه نقطهٔ نظر ان كے رويه كو يكسر بدل ديتا هے- وه دنيا كي كاميابي كے بجائے آخرت كي كاميابي كو اپني منزل بناتے هيں- دنيا ميں عيش ڈھونڈھنے كے بجائے آخرت ميں جنت كا حصول ان كا نشانه بن جاتا هے-
سوچ كے اس فرق كا نتيجه يه هوتا هے كه ديني مدارس ميں تعليم پائے هوئے لوگ تعيش (luxury)كے بجائے ضرورت كو اپني توجه كا مركز بناتے هيں- وه فراواني (abundance)كے بجائے قناعت كے اصول پر راضي رهتے هيں- كل كي خوشي كا احساس ان كے لئے آج كے غم كو هلكا كردتيا هے- وه كبھي مايوسي سے دوچار نهيں هوتے، كيوں كه جو كچھ انھيں موجوده دنيا ميں ملتا هےاسي كو وه اپنے لئے كافي سمجھتے هيں- ان كا سينه حرص اور حسد جيسے منفي احساسات سے پاك هوتا هے- كيوں كه حرص اور حسد جيسے احساسات مادي كمي كي زمين پر ابھرتے هيں، اور ديني تعليم كے تربيت يافته لوگ اپنے غيرمادي ذهن كي بنا پر اس كمزوري سے پيشگي طورپر محفوظ هوتے هيں-
يه چند مثاليں بتاتي هيں كه ديني مدارس اور غير ديني مدارس ميں كتنا زياده فرق پايا جاتا هے- ديني مدارس حقيقي علم پر قائم هيں، اس كے مقابله ميں سيكولر مدارس غير حقيقي علم پر- يه فرق بے حد بنيادي هے- اس فرق كا يه نتيجه هے كه جس پهلو سے بھي دونوں كے درميان تقابل كيا جائے ديني مدارس هر اعتبار سے سيكولر مدارس پر فائق نظر آئيں گے-
ديني مدارس اور غير ديني مدارس كے فرق كے بارے ميں يهاں جو كچھ لكھا گيا ، وه اصولي اعتبار سے لكھاگيا هے- جهاں تك عملي حيثيت كا تعلق هے، ديني مدارس ميں بهت سي خاميوں اور كوتاهيوں كي نشاندهي كي جاسكتي هے- مگر بنيادي بات يه هے كه غير ديني تعليم گاهوں ميں جو كمياں هيں وه عين ان كے اصول اور فلسفه كي بنا پر هيں- اور اس اعتبار سے وه ان كے نظام كا لازمي حصه هيں- جب كه ديني تعليم گاهوں ميں جو كمياں پائي جاتي هيں وه ان كي عملي كوتاهي كا نتيجه هيں نه كه نظريهٔ تعليم ميں نقص كا نتيجه، اور يه ايك معلوم حقيقت هے كه عملي كوتاهي كو اصلاحي كوشش سے دور كيا جاسكتا هے، جب كه نظري نقص كو اس وقت تك دور نهيں كيا جاسكتا جب تك كه خود نظريه هي كو غلط قراردے كر اس كو رد نه كرديا جائے-