اسلام ایک عظیم جدوجہد ہے۔ وہ قربانی کا ایک مسلسل عمل ہے جو ایمان لانے کے بعد سے آدمی کی موت تک جاری رہتا ہے۔ سب سے پہلی قربانی آدمی اس وقت دیتا ہے جب وہ اپنے پسندیدہ خیالات اور ذاتی رجحانات کو خیر باد کہ کر دین حق کوقبول کرتا ہے۔ اس کے بعد دوسری قربانی وہ ہے جو عمل کی دنیا میں دی جاتی ہے۔ ایک مومن کی زندگی میں فکری اور عملی جد و جہد کا یہ سلسلہ جاری رہتا ہے، یہاں تک کہ وہ وقت آ جا تا ہے جب کہ وہ اپنی مقر ر عمر پوری کر کے اپنے رب سے جاملے۔