موت هماري زندگي كا خاتمه نهيں، وه ايك نئے مرحلهٔ حيات كا آغاز هے- آدمي اگر صرف اپني موت كو ياد ركھے تو وه كبھي سركشي نه كرے- كامياب اجتماعي زندگي كا واحد راز يه هے كه آدمي اپني حد كے اندر رهنے پر راضي هو جائے اور موت بلا شبهه اِسي حقيقت كي سب سے بهتر معلم هے-
اسلام کے مطابق، اصل معاملہ تعمیر دنیا کا نہیں، بلکہ اصل معاملہ تیارئ آخرت کا معاملہ ہے۔ ہر عورت اور مرد کا اصل کام یہ ہے کہ وہ موت سے پہلے کے مرحلہ حیات میں، موت کے بعد کے مرحلۂ حیات کی تیاری کرے۔ وہ اپنے آپ کو اس قابل بنائے کہ وہ موت کے بعد آنے والے ابدی دور حیات میں کامیاب انسان قرار پاسکے۔ زیر نظر کتاب اسی حقیقت کی یاددہانی ہے۔
زيرِ نظر كتاب كا موضوع ايك لفظ ميں يه هے— عصري اسلوب ميں اسلام كا تعارف۔ اسلام ايك ابدي حقيقت هے، اس ميں كبھي كوئي تبديلي نهيں هوتي۔ ليكن زمانه بدلتا رهتا هے۔ هر دور ميں ضرورت هوتي هے كه زماني اسلوب ميں اسلام كے ابدي حقائق كو دوباره بيان كيا جائے، تاكه وه لوگوں كے ذهن كو ايڈريس كرسكے۔ يهي معامله اسلامي دعوت اور ملّي تعمير كا بھي هے۔ اس كتاب ميں يه بتانے كي كوشش كي گئي هے كه دورِ حاضر ميں اسلامي دعوت كا اسلوب كيا هونا چاهيے اور ملّي تعمير كا كامياب طريقه كيا هے۔
كائنات الله كي تخليق هے۔ پوري كائنات الله كي حمد كر رهي هے۔ كائنات كا هر ذره زبانِ حال سے يه اعلان كررها هے كه — الله سب سے بڑا هے، الله سب سے بڑا هے۔ انسان سے بھي يهي مطلوب هے كه وه الله كي بڑائي كا اعتراف كرے۔ ’الله اكبر‘ پوري كائنات كاكلمه هے اور ’الله اكبر‘ انسان كا كلمه بھي۔
