اسلام کا رول تاریخ بشری میں صرف یہی نہیں ہے کہ اس نے انسان کو زندگی کے لیے ایک درست اور قابل اعتماد آئڈیالوجی عطا کی ۔ اسی کے ساتھ اسلام کا ایک عطیہ یہ بھی ہے کہ اس نے انسانی زندگی کے ہر پہلو کے لیے ایک عملی نمونہ قائم کیا- اسلام نظری صداقت بھی ہے اور اس کے ساتھ ایک ثابت شدہ عملی ماڈل بھی۔
زیر نظر کتاب، دور جدید کی نسبت سے، علماء کے قائدانہ کردار کا ایک تنقیدی مطالعہ ہے۔ اس کتاب میں نیت اور اخلاص کو زیر بحث لائے بغیر، صرف اس تدبیر کار کار کا جائزہ لیا گیا ہے جو علماء نے دور جدید میں اختیار کیا۔ اس جائزے کا حاصل یہ ہے کہ موجودہ زمانے میں علماء نے اسلام اور مسلمانوں کی نسبت سے، کام کے لیے جو طریقہ اختیار کیا، وہ دور جدید کے تقاضوں کے مطابق نہ تھا۔ اس لیے ان کی کوششیں مطلوب نتیجہ پیدا نہ کر سکیں۔ زیر نظر کتاب کا مقصد گز شتہ کے جائزے کی روشنی میں، آئندہ کا لائحہ عمل متعین کرنا ہے۔
اسلام كا ظهور انسان كي تاريخ ميں ايك نئے دور كا ظهور تھا۔ اسلام كے بعد دنيا ميں ايك ايسا دور آيا جب كه دين پوري طرح محفوظ هوگيا۔ انسان كے ليے يه ممكن هوگيا كه وه بے آميز سچائي كو دريافت كرے، اور آزادي اور امن كي فضا ميں اپنے ليے اس زندگي كي تشكيل كرے جو اس كو ابدي جنت كي طرف لےجاني والي هو۔ زيرِ نظر كتاب ميں اس اعتبار سے اسلام كا مطالعه كيا گيا هے ۔
زلزلہ گویا چھوٹے پیمانے کی قیامت ہے- زلزلے کے وقت انسان یہ محسوس کرتا ہے کہ وہ قدرت کے مقابلے میں بالکل بے بس ہے- یہ زلزلے اچانک آتے ہیں۔ یہ زلزلے گویا آئندہ آنے والے بڑے زلزلۂ قیامت کی پیشگی اطلاع ہیں۔ یہ زلزلے ہمیں بتاتے ہیں کہ زمین وآسمان کا مالک کس طرح موجودہ دنیاکو ایک دن توڑ ڈالےگا اور اس کے بعدایک نیا عالم بنائے گا۔ زیر نظر کتاب انسان کے لیے اسی حقیقت کی یاد دہانی ہے۔
